https://www.silkroadtm.jp Täzelikler Portaly 2026-04-12 03:28:52 https://silkroadtm.jp/tm/information/1Lo Wed, 30 Oct 2024 00:18:10 +0500 https://silkroadtm.jp/tm/information/1Lo 2024-nji ýylyň 26-27-nji noýabrynda Türkmenistanyň paýtagty Aşgabatda “Innowasiýalar, täze tehnologiýalar we olary önümçilige ornaşdyrmagyň meseleleri” atly III türkmen-hytaý ylmy-innowasion forumy geçiriler. Bu barada ylym-bilim, saglygy goraýyş we sport meseleleri boýunça wise- premýer Baýramgül Orazdurdyýewa Ministrler Kabinetiniň anna güni sanly ulgam arkaly geçirilen nobatdaky mejlisinde maglumat berdi. Forumyň gün tertibine ylmy barlaglaryň netijelerini önümçilige işjeň ornaşdyrmak, halkara ylmy-tehnologik hyzmatdaşlygy has-da giňeltmek bilen bagly meseleler giriziler. Bu barada Türkmenistanyň resmi metbugaty habar berýär. Çärä gatnaşyjylar nano we himiýa tehnologiýalar, biotehnologiýalar, oba hojalygy, ekologiýa, genetika hem-de maglumat-aragatnaşyk ulgamlary, täze materiallary öwrenmek we energetika, biotehnologiýa, molekulýar biologiýa, oba hojalygy, ekologiýa we genetika, maglumat-aragatnaşyk, derman serişdelerini öndürmek ýaly ulgamlarda hyzmatdaşlygyň täze ugurlaryny ara alyp maslahatlaşarlar. Türkmenistanyň Prezidenti Serdar Berdimuhamedow forumy geçirmek hakynda Karara gol çekip, halkara hyzmatdaşlar, şol sanda Hytaý döwleti bilen ylmy-tehniki hyzmatdaşlygy ösdürmegiň möhümdigini nygtady. Hökümet mejlisinde döwlet durmuşynyň başga-da birnäçe möhüm meselelerine garaldy. https://silkroadtm.jp/tm/information/yDA Tue, 29 Oct 2024 23:58:26 +0500 https://silkroadtm.jp/tm/information/yDA Bilim ministriniň orunasary Azat Ataýewiň ýolbaşçylygyndaky Türkmenistanyň wekiliýeti duşenbe güni ABŞ-nyň Waşington şäherinde birnäçe duşuşyklary geçirdi. Saparyň dowamynda standartlaşdyrmak, synaglary geçirmek we sertifikatlaşdyrmak ulgamynda hyzmatdaşlyk meseleleri, şol sanda TOEFL, GRE hem-de “Praxis” ýaly standart synag ulgamlary maslahatlaşyldy. Saparyň esasy maksady Türkmenistan bilen ABŞ-nyň arasynda ozal gazanylan ylalaşyklaryň binýadynda ikitaraplaýyn bilim hyzmatdaşlygyny pugtalandyrmakdan ybaratdyr. ABŞ-nyň Döwlet departamentinde bolan duşuşygyň dowamynda wekiller akademiki bahalandyryş we uniwersitetleri hasaba almak üçin çarçuwaly binýady döretmegi maslahat etdiler. Amerikan tarapyna Günorta we Merkezi Aziýa sebit meseleleri boýunça býurosynyň metbugat we jemgyýetçilik diplomatiýasy müdirliginiň direktorynyň orunbasary Temmi Palçikow hem-de Bilim we medeniýet meseleleri boýunça býurosynyň hem-de ABŞ-nyň Bilim ministrliginiň wekilleri wekilçilik etdi. Pikir alyşmalarda okaýanlaryň ýetişikligini bahalandyrmagyň usulyýetlerine we Türkmenistanyň bilim ulgamyny döwrebaplaşdyrmak üçin halkara hasaba alyş strategiýasyna aýratyn üns berildi. Bilim bermek işini dolandyrýan ýolbaşçylar we mugallymlar üçin okuw maslahatlary guramagyň mükinçiliklerine hem garaldy. Türkmenistanyň wekiliýetiniň şeýle hem Bilim synag gullugynyň (ETS) hökümet we daşary gatnaşyklar boýunça dirketory Şennon Litton bilen bu guramanyň Waşingtondaky edarasynda duşuşygy boldy. Onuň dowamynda Türkmenistanda sertifikatlaşdyrylan synag merkezlerini açmak mümkinçiliklerini maslahatlaşdylar. Mundan başga-da, wekiliýet agzalary “AC Languages” mekdebiniň ýolbaşçylary – baş direktor Anheles Çawes we ýerine ýetiriji direktor Elias Alonzo bilen gepleşikleri geçirdi. “Türkmenistan-ABŞ” Işewürlik geňeşiniň edarasynda geçen duşuşyk dil öwreniş maksatnamalaryny giňeltmäge we hyzmatdaşlygy ösdürmäge bagyşlandy. Türkmenistanyň bilim ulgamyny mundan beýläk-de kämilleşdirmäge gönükdirilen duşuşyklaryň ählisi netijeli we dostlukly häsiýetde geçdi. https://silkroadtm.jp/tm/information/RAy Tue, 29 Oct 2024 23:53:46 +0500 https://silkroadtm.jp/tm/information/RAy Türkmenistan wekiliýeti 2024-nji ýylyň 3-nji sentýabrynda Koreýa Respublikasynyň Goýang şäherinde geçirilýän “2024 World Smart City Expo” atly akylly şäherleriň halkara sergisiniň resmi açylyş dabarasyna gatnaşdy. Bu sergide türkmen tarapy akylly Arkadag şäherine bagyşlanan – onuň mümkinçilikleri we aýratynlyklary bilen tanyşdyrýan pawiliony bilen çykyş etdi. “2024 World Smart City Expo” halkara sergisine Koreýa Respublikasynyň welaýatlarynyň, ýerli we daşary ýurt kompaniýalarynyň, dürli döwletleriň (Türkmenistan, Hytaý Halk Respublikasy, Ýaponiýa, Malaýziýa, Taýland Patyşalygy, Wýetnam Sosialistik Respublikasy, Daniýa Patyşalygy, Finlýandiýa we Ysraýyl döwleti) gatnaşyp, ol jemi 116 sany pawiliony özünde jemleýär we oňa ministrler, ministrleriň orunbasarlary hem-de welaýat häkimleri derejesinde 60-dan gowrak ýurduň wekilleri synçy hökmünde gatnaşýar. 2024-nji ýylyň 4-nji sentýabrynda Akylly Arkadag şäheri Koreýa Respublikasynyň Goýang şäherinde geçirilýän “2024 World Smart City Expo” atly akylly şäherleriň halkara sergisiniň baýrak gowşuryş dabarasynda 3 sany baýraga  mynasyp boldy. Baýraklar sergä gatnaşyjylaryň arasynda aýry ugurlar boýunça has tapawutlanan daşary ýurt we milli şäherlere hem-de kompaniýalara berildi. Akylly Arkadag şäherine bu dabara gatnaşyjylaryň arasynda ilkinji bolup baýraklaryň gowşurylmagy aýratyn bellärliklidir. Şunlukda türkmen tarapy şu aşakdaky 3 baýrak bilen sylaglandy: Akylly Arkadag şäheri – Iň tapawutlanan akylly şäher (Smart City Excellence Award) *Diňe Arkadag şäheri sylaglandy; Akylly Arkadag şäheri – Daşary ýurt akylly şäheri (Foreign city award) Akylly Arkadag şäheri – “World Smart City Expo 2024” akylly şäherleriň halkara sergesine goşan uly goşandy üçin (WSCE 2024 Contribution Award) Baýrak gowşuryş dabarasynda türkmen wekiliýetiniň ýolbaşçysy Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow minnetdarlyk sözi bilen çykyş etdi. Ol hususan-da koreý tarapynyň bu çäräni ýokary guramaçylykly derejede geçirendigini belläp, onda häzirki döwrüň talaplaryna laýyk gelýän akylly şäherleriň tehnologiýalarynyň we ulgamlarynyň görkezilendigini aýdyp geçdi. Bu ugurda sergä gatnaşýan akylly Arkadag şäherine mynasyp derejede baha berlip, sylaglaryň gowşurylandygy üçin minnetdarlygyny bildirdi. Şeýle hem, bu berlen sylaglaryň Gahryman Arkadagymyzyň hem-de Hormatly Prezidentimiziň baştutanlygynda Garaşsyz, Baky Bitarap Türkmenistanda şähergurluşyk-binagärlik babatda alnyp barylýan işleriň belent sepgitlere ýetendiginiň ykrarnamasydygy nygtalyp geçildi. https://silkroadtm.jp/tm/information/9oV Tue, 29 Oct 2024 23:50:22 +0500 https://silkroadtm.jp/tm/information/9oV Türkmenistanyň Prezidenti Serdar Berdimuhamedowyň we Gazagystan Respublikasynyň Prezidenti Kasym-Žomart Tokaýewiň arasynda duşenbe güni telefon arkaly söhbetdeşlik boldy. Döwlet Baştutanlary birek-birek bilen mähirli salamlaşyp, strategik häsiýete eýe bolan türkmen-gazak gatnaşyklarynyň ýokary derejesini kanagatlanma bilen bellediler. Söhbetdeşligiň dowamynda hormatly Prezidentimiz döwletara hyzmatdaşlygyň mundan beýläk-de ösdürilmegine gönükdirilen tagallalary üçin Prezident Kasym-Žomart Tokaýewe tüýs ýürekden minnetdarlyk bildirdi. Döwlet Baştutanymyzyň belleýşi ýaly, Gazagystan Respublikasy bilen däp bolan dostluk gatnaşyklary biziň halklarymyzy birleşdirýän köpýyllyk hoşniýetli goňşuçylyk, özara düşünişmek ýörelgelerine daýanýar. Şeýle hem iki döwletiň halkara giňişlikde, halkara guramalaryň, ilkinji nobatda, Birleşen Milletler Guramasynyň çäklerinde ýakyndan hyzmatdaşlyk edýändigi, ählumumy, sebit syýasatynyň möhüm meseleleri boýunça garaýyşlarynyň gabat gelýändigi ýa-da ýakyndygy, birek-biregiň başlangyçlaryny goldaýandyklary nygtaldy. Prezident Kasym-Žomart Tokaýew hoşniýetli sözler üçin hoşallyk bildirip, hormatly Prezidentimiz Serdar Berdimuhamedowy Gazagystana sapar bilen gelmäge hem-de Astanada geçiriljek Merkezi Aziýa döwletleriniň Baştutanlarynyň altynjy konsultatiw duşuşygyna we “Merkezi Aziýa — Ýaponiýa” dialogynyň birinji sammitine gatnaşmaga uly hormat bilen çagyrýandygyny ýene-de bir gezek beýan etdi. Döwlet Baştutanymyz çakylyk üçin gazak kärdeşine minnetdarlyk bildirip, çakylygy hormat bilen kabul etdi hem-de öňde boljak duşuşyklarda beýan ediljek başlangyçlaryň sebitde hyzmatdaşlygyň täze mümkinçiliklerini kesgitlemäge ýardam berjekdigine ynam bildirdi we olaryň üstünlikli geçirilmegini arzuw etdi. Söhbetdeşligiň dowamynda dürli ugurlarda okgunly ösdürilýän ikitaraplaýyn hyzmatdaşlygyň ileri tutulýan ugurlary boýunça gyzyklanma bildirilip pikir alşyldy. Munuň özi söwda-ykdysady, medeni-ynsanperwer ulgamlary, halkara giňişlikde hyzmatdaşlygy utgaşdyrmak ýaly meseleleri öz içine alýar. Bilelikdäki taslamalary, hususan-da, gaz, energetika pudaklarynda, üstaşyr ulag ulgamynda taslamalary durmuşa geçirmek meselesi giňişleýin ara alnyp maslahatlaşyldy. Prezidentler Serdar Berdimuhamedow we Kasym-Žomart Tokaýew döwletara hyzmatdaşlygyň möhüm ugurlarynyň biri bolan ulag ulgamyna aýratyn üns çekip, ozal gazanylan ylalaşyklary amala aşyrmagyň wajypdygyny nygtadylar. Bellenilişi ýaly, yzygiderli ýagdaýda geçirilýän hem-de ynanyşmak häsiýetine eýe bolan ýokary derejedäki duşuşyklar türkmen-gazak gatnaşyklaryny pugtalandyrmakda aýratyn orny eýeleýär. Şunuň bilen baglylykda, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň ýakynda hormatly myhman hökmünde Şanhaý Hyzmatdaşlyk Guramasynyň sammitine gatnaşmak üçin Astana şäherine amala aşyran saparynyň ähmiýeti nygtaldy. Ikitaraplaýyn gepleşikleriň, hyzmatdaşlygyň möhüm meseleleriniň birnäçesine garalan “ŞHG+” görnüşindäki duşuşygyň jemleriniň iki ýurduň arasyndaky netijeli gatnaşyklaryň çuňlaşdyrylmagyna uly goşant boljakdygyna ynam bildirildi. Astanada beýik türkmen şahyry we akyldary Magtymguly Pyragynyň ýadygärliginiň oturdylandygy, onuň türkmen halkynyň Milli Lideriniň dostlukly ýurda saparynyň çäklerinde Gahryman Arkadagymyzyň hem-de Gazagystan Respublikasynyň Parlamentiniň Senatynyň Başlygynyň gatnaşmagynda 4-nji iýulda dabaraly ýagdaýda açylandygy bellenildi. Aşgabatda bolsa meşhur gazak şahyry we filosofy Abaý Kunanbaýewiň özboluşly kompozisiýany özünde jemleýän heýkeli bina ediler. Bularyň ählisi biziň halklarymyzyň arasyndaky taryhy taýdan emele gelen dost-doganlyk gatnaşyklarynyň mizemezdiginiň nyşanydyr. Pursatdan peýdalanyp, Prezident Kasym-Žomart Tokaýew Gahryman Arkadagymyz Gurbanguly Berdimuhamedowa mähirli salamyny we iň gowy arzuwlaryny beýan etdi. Söhbetdeşligiň barşynda täze wehimleriň ýüze çykýan şertlerinde sebit derejesinde tagallalaryň utgaşdyrylmagynyň möhümdigi bellenildi. Şunda Türkmenistanyň sebitiň ähli döwletleri bilen dost-doganlyk, hoşniýetli goňşuçylyk gatnaşyklarynyň mundan beýläk-de pugtalandyrylmagyna berk ygrarlydygy tassyklanyldy. Dostlukly ýurduň Baştutany telefon söhbetdeşliginiň ahyrynda türkmen kärdeşini Gazagystanda geçiriljek möhüm forumlara uly hormat bilen çagyrýandygyny ýene-de bir gezek mälim etdi. Prezidentler Serdar Berdimuhamedow we Kasym-Žomart Tokaýew hoşlaşanlarynda, birek-birege berk jan saglyk, jogapkärli döwlet işinde üstünlikleri, Türkmenistanyň hem-de Gazagystanyň doganlyk halklaryna bolsa parahatçylyk, ösüş, abadançylyk arzuw etdiler. https://silkroadtm.jp/tm/information/lDo Tue, 29 Oct 2024 23:44:21 +0500 https://silkroadtm.jp/tm/information/lDo Hormatly Prezidentimiz Serdar Berdimuhamedow Amerikanyň Birleşen Ştatlarynyň Prezidenti Jozef Baýdene ABŞ-nyň Garaşsyzlyk güni mynasybetli tüýs ýürekden gutlaglaryny we iň gowy arzuwlaryny iberdi. Döwlet Baştutanymyz hatynda Türkmenistan bilen Amerikanyň Birleşen Ştatlarynyň arasyndaky özara hormat goýmak, düşünişmek, ynanyşmak ýörelgelerine esaslanýan ikitaraplaýyn bähbitli gatnaşyklary has-da ösdürmäge ygrarlydygyny beýan etdi. Hormatly Prezidentimiz mümkinçilikden peýdalanyp, Prezident Jozef Baýdene berk jan saglyk, bagtyýarlyk, abadançylyk, Amerikanyň Birleşen Ştatlarynyň ähli halkyna bolsa parahatçylyk, öňegidişlik we rowaçlyk arzuw etdi. https://silkroadtm.jp/tm/information/roR Tue, 29 Oct 2024 23:37:29 +0500 https://silkroadtm.jp/tm/information/roR Günorta Koreýanyň Prezidenti Ýun Sok Ýol iki günlük döwlet sapary bilen Türkmenistana geldi. Bu barada Türkmenistanyň resmi metbugaty duşenbe güni habar berdi. Aşgabat şäheriniň Halkara howa menzilinde Günorta Koreýanyň Prezidentini resmi adamlar garşyladylar. Howa menzilinden Prezident Ýun Sok Ýol sapar wagty özi üçin niýetlenen, paýtagtyň kaşaň “Oguzkent” myhmanhanasynda ýerleşýän kabulhanasyna tarap ugrady.  Habarda bellenilişi ýaly, saparyň çäklerinde Türkmenistanyň Prezidenti Serdar Berdimuhamedow bilen Ýun Sok Ýoluň arasynda ýokary derejeli gepleşikler geçiriler. Bu sapar Günorta Koreýanyň Prezidentiniň 2019-njy ýyldan soňky bäş ýylyň dowamynda Türkmenistana ilkinji döwlet saparydyr. https://silkroadtm.jp/tm/information/AVa Tue, 29 Oct 2024 23:32:18 +0500 https://silkroadtm.jp/tm/information/AVa Türki döwletleriň arasynda bilelikde emeli hemra işläp düzmek babatda ylalaşyk gazanyldy diýip, Türki Döwletleriň Guramasynyň Baş sekretarynyň orunbasary Mirwohid Azimow guramanyň agza we synçy döwletleriniň kosmos agentlikleriniň 3-nji mejlisinden soňra beren beýanatynda mälim etdi. “Demirýollary” açyk görnüşli paýdarlar jemgyýetiniň penşenbe güni habar bermegine görä, Türkmenistanyň wekiliýeti Türkiýäniň Ankara şäherinde geçirilen Türki Döwletleriň Guramasynyň kosmos agentlikleriniň 3-nji mejlisine gatnaşdy. Mejlisde Türkmenistana “Türkmen hemrasy” ýapyk görnüşli paýdarlar jemgyýetiniň direktory Batyr Orazdurdyýew wekilçilik etdi. Habarda bellenilişi ýaly, bu taslamanyň çäklerinde degişli ýurtlardan düzülen inženerler topary Gazagystanyň ylmy-barlag merkezinde iş alyp bararlar we şonuň netijesinde kosmos giňişligine emeli hemra uçurylar. Türkiýede geçirilen duşuşykda taraplar kosmos we emeli hemra pudagynda hyzmatdaşlyk etmegiň ugurlaryny ara alyp maslahatlaşydylar. Şeýle hem taraplaryň arasynda kosmos ylmy-barlaglary bilen baglanyşykly käbir meseleler boýunça ylalaşyklar gazanyldy. https://silkroadtm.jp/tm/information/6pz Tue, 29 Oct 2024 23:27:09 +0500 https://silkroadtm.jp/tm/information/6pz Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow penşenbe güni sanly ulgam arkaly geçirilen Ministrler Kabinetiniň nobatdaky mejlisinde Garaşsyz Döwletleriň Arkalaşygynyň (GDA) Hökümet Baştutanlarynyň Geňeşiniň şu ýylyň 24-nji maýynda Aşgabatda geçiriljek nobatdaky mejlisine görülýän taýýarlyk işleri barada hasabat berdi. Türkmenistanyň resmi metbugatynyň habar bermegine görä, wise-premýer GDA-nyň Hökümet Baştutanlarynyň Geňeşiniň mejlisine guramaçylykly taýýarlyk görmek maksady bilen, 20-nji maýda Türkmenistanyň Daşary işler ministrliginde maglumat brifingini, 23-nji maýda bolsa Aşgabatda degişli iş duşuşygyny geçirmegiň meýilleşdirilýändigini aýtdy. Türkmenistanyň daşary işler ministri Raşid Meredowyň aýtmagyna görä, mejlisiň jemleri boýunça birnäçe resminama gol çekmek hem-de metbugat maslahatyny geçirmek göz öňünde tutulýar. Türkmenistanyň Prezidenti Serdar Berdimuhamedow wise-premýer, daşary işler ministrine Aşgabatda geçiriljek GDA-nyň Hökümet Baştutanlarynyň Geňeşiniň nobatdaky mejlisine ýokary derejede taýýarlyk görülmegini üpjün etmegi hem-de bu ugurda degişli işleri geçirmegi tabşyrdy. Geçen ýylyň 13-nji oktýabrynda Gyrgyz Respublikasynyň paýtagty Bişkek şäherinde Garaşsyz Döwletleriň Arkalaşygynyň Döwlet Baştutanlarynyň Geňeşiniň nobatdaky mejlisi geçirildi. https://silkroadtm.jp/tm/information/4xz Sun, 03 Mar 2024 01:02:02 +0500 https://silkroadtm.jp/tm/information/4xz Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow anna güni 3-nji Antalýa diplomatik forumyna gatnaşmak maksady bilen Türkiýä amala aşyrýan iş saparynyň çäklerinde Türkiýäniň Prezidenti Rejep Taýyp Ärdogan bilen duşuşdy. Bu barada Türkmenistanyň resmi metbugaty habar berdi. Türkiýäniň Prezidenti Rejep Taýyp Ärdogan Türkmenistanyň Halk Maslahatynyň Başlygy Gurbanguly Berdimuhamedowy mähirli mübärekläp, Türkiýä gelip görmäge we 3-nji Antalýa diplomatik forumyna gatnaşmaga çakylygy kabul edendigi üçin hoşallyk bildirdi. Türkmen halkynyň Milli Lideri Antalýa diplomatiýa forumyna gatnaşmaga çakylygy üçin Prezident Rejep Taýyp Ärdogana minnetdarlyk bildirdi hem-de mümkinçilikden peýdalanyp, Türkiýäniň Baştutanyny 70 ýaş ýubileýi bilen tüýs ýürekden gutlady hem-de Türkmenistanyň Prezidenti Serdar Berdimuhamedowyň mähirli salamyny we iň gowy arzuwlaryny ýetirdi. Şeýle hem Türkmenistanyň Halk Maslahatynyň Başlygy şanly ýubileý mynasybetli türk Liderine türkmen milli içmegini sowgat berdi. Türkiýäniň Baştutany gutlaglar we bildirilen hormat üçin tüýs ýürekden hoşallygyny beýan edip, özüne Türkmenistanyň “Hormatly il ýaşulusy” diýen hormatly adyň dakylmagyna iki ýurduň we halkyň arasyndaky dost-doganlyk gatnaşyklaryň mizemezliginiň nyşany hökmünde garaýandygyny nygtady. Duşuşygyň dowamynda türkmen halkynyň Milli Lideri Gurbanguly Berdimuhamedow hem-de Prezident Rejep Taýyp Ärdogan türkmen-türk hyzmatdaşlygynyň ýokary derejesini kanagatlanma bilen bellediler. Duşuşyk tamamlanandan soňra birnäçe ikitaraplaýyn resminamalara, ýagny: Türkmenistan bilen Türkiýe Respublikasynyň arasynda uglewodorod serişdeleri babatda hyzmatdaşlyk etmek boýunça meýiller hakynda Jarnama;  “Türkmengaz” döwlet konserni bilen Türkiýe Respublikasynyň Energetika we tebigy serişdeler ministrliginiň arasynda tebigy gaz ulgamynda hyzmatdaşlygy ösdürmek meselesi babatda özara hyzmatdaşlyk etmek hakynda Ähtnama;  “Türkmenistan” awiakompaniýasy” açyk görnüşli paýdarlar jemgyýeti bilen Türk aeronawtika birleşigi uniwersitetiniň arasynda özara düşünişmek hakynda Ähtnama gol çekildi. https://silkroadtm.jp/tm/information/mly Sun, 03 Mar 2024 00:58:57 +0500 https://silkroadtm.jp/tm/information/mly Türkmenistanyň Prezidenti Serdar Berdimuhamedow Ýaponiýanyň Imperatory Naruhito Ýaponiýanyň milli baýramy hem-de onuň doglan güni mynasybetli tüýs ýürekden gutlaglaryny, iň gowy arzuwlaryny iberdi. Bu barada Türkmenistanyň resmi metbugaty penşenbe güni habar berdi. “Ýurtlarymyzyň arasyndaky dostlukly gatnaşyklaryň berkidilmeginde we ösdürilmeginde Siziň şahsy goşandyňyzy aýratyn bellemek isleýärin. Bu gatnaşyklaryň mundan beýläk-de yzygiderli çuňlaşdyryljakdygyna uly ynam bildirýärin” diýip, Türkmenistanyň döwlet Baştutany gutlag hatynda nygtady. Türkmenistanyň Prezidenti Serdar Berdimuhamedow bu şanly gün mynasybetli Imperator Naruhito tüýs ýürekden berk jan saglyk, bagtyýarlyk, abadançylyk, Ýaponiýanyň ähli halkyna bolsa parahatçylyk, mundan beýläk-de ösüş hem-de rowaçlyk arzuw etdi. Şeýle hem türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Ýaponiýanyň Imperatory Naruhito doglan güni mynasybetli tüýs ýürekden gutlaglaryny we iň gowy arzuwlaryny iberdi. https://silkroadtm.jp/tm/information/03g Sun, 03 Mar 2024 00:54:22 +0500 https://silkroadtm.jp/tm/information/03g Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow penşenbe güni Abu-Dabi şäherine iş sapary bilen baryp, Birleşen Arap Emirlikleriniň Prezidenti Şeýh Mohammed bin Zaýed Al Nahaýýan bilen duşuşdy. BAE-niň Prezidentiniň köşgünde geçirilen duşuşykda liderler ýetip gelen Täze ýyl bilen birek-biregi gutlap, iki ýurduň halklaryna bagtyýarlyk we rowaçlyk arzuw etdiler. Türkmen halkynyň Milli Lideri Gurbanguly Berdimuhamedow BAE-niň Prezidentine Türkmenistanyň Prezidenti Serdar Berdimuhamedowyň salamyny we gülläp ösüş barada aýdan iň gowy arzuwlaryny ýetirdi. BAE-niň Prezidenti Şeýh Mohammed bin Zaýed Al Nahaýýan mähirli sözler üçin minnetdarlyk bildirip, Türkmenistanyň Prezidentine iň gowy arzuwlaryny ugratdy. Liderler Türkmenistan bilen BAE-niň arasyndaky dostlukly gatnaşyklar, şeýle-de gaýtadan dikeldilýän energiýany, azyk howpsuzlygyny, infrastrukturanyň ösdürilmegini we beýleki möhüm pudaklary öz içine alýan ykdysady we maýa goýum hyzmatdaşlygy barada pikir alyşdylar. Bu mowzuklar durnukly ösüşe we öňegidişlige mundan beýläk hem itergi bermek babatda iki ýurt üçin hem möhüm ugurlaryň hataryna girýär diýip, BAE-niň metbugaty ýazýar. Taraplar iki ýurduň arasyndaky gatnaşyklaryň aýratynlygyna we ösüşine ýokary baha berip, özara bähbitli bu gatnaşyklary has hem ýokarlandyrmak üçin dürli ugurlar boýunça hyzmatdaşlygy giňeltmäge ygrarly bolup galýandyklaryny tassykladylar. BAE-niň Prezidenti Şeýh Mohammed bin Zaýed Al Nahaýýan iki ýurduň arasyndaky gatnaşyklaryň ösdürilmeginde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň uly goşandyny aýratyn belläp geçdi. Duşuşygyň ahyrynda türkmen halkynyň Milli Lideri Gurbanguly Berdimuhamedow BAE-niň Prezidenti Şeýh Mohammed bin Zaýed Al Nahaýýany özi üçin amatly wagtda Türkmenistana gelmäge çagyrdy. https://silkroadtm.jp/tm/information/Plq Sun, 03 Mar 2024 00:49:16 +0500 https://silkroadtm.jp/tm/information/Plq Türkmenistanyň Prezidenti Serdar Berdimuhamedow çarşenbe güni Hyzmatdaşlyk boýunça türkmen-hytaý hökümetara komitetiniň altynjy mejlisine gatnaşmak üçin Aşgabat şäherine gelen Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, HHR-iň Döwlet Geňeşiniň Premýeriniň birinji orunbasary Din Sýuesýany kabul etdi. Duşuşygyň dowamynda komitetiň altynjy mejlisiniň gün tertibi boýunça gyzyklanma bildirilip pikir alşyldy we şu gezekki mejlisiň netijeleriniň türkmen-hytaý gatnaşyklaryny täze derejä çykarmaga ýardam berjekdigine ynam bildirildi. Bu barada Türkmenistanyň resmi metbugaty habar berdi. Şeýle hem söhbetdeşligiň barşynda strategik häsiýete eýe bolan ikitaraplaýyn hyzmatdaşlygyň ýokary döwlet, Hökümet we ministrlikler derejesinde netijeli ösdürilýändigi nygtaldy. Türkmenistanyň Prezidenti Serdar Berdimuhamedow döwletara hyzmatdaşlygy giňeltmekde ýokary derejede geçirilýän gepleşikleriň uly ähmiýeti barada aýtmak bilen, şu ýyl Hytaý Halk Respublikasyna amala aşyran saparlarynyň dowamynda HHR-iň Başlygy Si Szinpin bilen geçiren duşuşyklaryny ýakymly duýgular bilen ýatlaýandygyny belledi. Duşuşygyň ahyrynda Türkmenistanyň Prezidenti Serdar Berdimuhamedow we Hytaýyň Kommunistik partiýasynyň MK-nyň Syýasy býurosynyň hemişelik komitetiniň agzasy, HHR-iň Döwlet Geňeşiniň Premýeriniň birinji orunbasary Din Sýuesýan umumy abadançylygyň bähbitlerine laýyk gelýän döwletara gatnaşyklaryň geljekde hem hemmetaraplaýyn ösdüriljekdigine ynam bildirdiler. Mundan başga-da, Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredow çarşenbe güni Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, HHR-iň Döwlet Geňeşiniň Premýeriniň birinji orunbasary Din Sýuesýan bilen duşuşyk geçirdi. Duşuşygyň dowamynda taraplar iki ýurduň gyzyklanýan kompaniýalary bilen işewür toparlarynyň arasynda özara bähbitli gatnaşyklary ýola goýmak, önümçilik hyzmatdaşlygyny giňeltmek we çuňlaşdyrmak meselelerini ara alyp maslahatlaşdylar. https://silkroadtm.jp/tm/information/k2j Sun, 03 Mar 2024 00:43:27 +0500 https://silkroadtm.jp/tm/information/k2j Türkmenistanyň Prezidenti Serdar Berdimuhamedow duşenbe güni Aşgabatda Eýran Yslam Respublikasynyň we Ýaponiýanyň Türkmenistanda täze bellenen Adatdan daşary we Doly ygtyýarly ilçileri Ali Mojtaba Ruzbehanini hem-de Hirosi Sasakini kabul etdi. Olar Türkmenistanyň döwlet Baştutanyna ynanç hatlaryny gowşurdylar. Bu barada Türkmenistanyň resmi metbugaty habar berýär. Eýranyň Türkmenistandaky ilçisi Ali Mojtaba Ruzbehani bilen duşuşyk: Eýranly diplomat ynanç hatyny gowşuryp, Türkmenistanyň döwlet Baştutany Serdar Berdimuhamedowa hem-de türkmen halkynyň Milli Lideri, Halk Maslahatyň Başlygy Gurbanguly Berdimuhamedowa Eýran Yslam Respublikasynyň Prezidenti Seýed Ebrahim Raisiniň mähirli salamyny we türkmen halkyna parahatçylyk, abadançylyk, bagtyýarlyk, gülläp ösüş baradaky arzuwlaryny ýetirdi. Duşuşygyň dowamynda Türkmenistanyň Prezidenti Serdar Berdimuhamedow hem-de Eýranyň wekili ikitaraplaýyn gatnaşyklaryň möhüm meselelerini ara alyp maslahatlaşyp, ýangyç-energetika, ulag-kommunikasiýa, gurluşyk, oba hojalyk pudaklarynda netijeli hyzmatdaşlygy çuňlaşdyrmaga taýýardyklaryny tassykladylar. Bu işde Ykdysady hyzmatdaşlyk boýunça hökümetara türkmen-eýran toparyna aýratyn ornuň degişlidigine üns çekildi. Duşuşygyň ahyrynda hormatly Prezidentimiz Serdar Berdimuhamedow we diplomat soňky ýyllarda täze mazmuna hem-de ösüşe eýe bolan ikitaraplaýyn hyzmatdaşlygyň mundan beýläk-de okgunly ösdüriljekdigine ynam bildirdiler. Ilçi Ýaponiýanyň Imperatorynyň we Premýer-ministriniň salamyny, şeýle hem Ýaponiýanyň Imperatorynyň türkmen-ýapon gatnaşyklarynyň okgunly ösdürilmegindäki goşandy üçin Türkmenistanyň döwlet Baştutanyna ýollan hoşallyk sözlerini ýetirdi. Şeýle hem diplomat Merkezi Aziýa döwletleri bilen hyzmatdaşlygy mundan beýläk-de ösdürmegiň wajyplygyny nygtady. Türkmenistanyň Prezidenti Serdar Berdimuhamedow öz gezeginde, innowasiýalary, täze tehnologiýalary, iň öňdebaryjy tejribeleri öz içine alýan, ylmyň we tehnikanyň ösen derejelerine daýanýan ykdysady hyzmatdaşlygyň ösdürilmeginiň möhümdigini nygtady. Şeýle hem Türkmenistan bilen dünýä belli ýapon kompaniýalarynyň arasynda ýola goýlan netijeli işewürlik gatnaşyklaryň üstünlikli ösdürilýändigine üns çekildi. Söhbetdeşligiň dowamynda syýasy-diplomatik, söwda-ykdysady, medeni-ynsanperwer ulgamlarda iki ýurduň milli bähbitlerini göz öňünde tutmak arkaly netijeli hyzmatdaşlygy mundan beýläk-de ösdürmek bilen baglanyşykly meseleleriň giň toplumy ara alnyp maslahatlaşyldy. Duşuşygyň ahyrynda ýapon diplomaty däp bolan dostlukly ýapon-türkmen gatnaşyklaryny pugtalandyrmak we çuňlaşdyrmak üçin ähli tagallalary etjekdigine Türkmenistanyň döwlet Baştutanyny ynandyrdy. https://silkroadtm.jp/tm/information/3oL Sun, 15 Oct 2023 07:13:02 +0500 https://silkroadtm.jp/tm/information/3oL Türkmenistanyň Prezidenti Serdar Berdimuhamedow Bişkek şäherine iş saparynyň barşynda Gyrgyz Respublikasynyň Prezidenti Sadyr Žaparow bilen duşuşdy. Bu barada Türkmenistanyň resmi metbugaty anna güni habar berdi. Duşuşygyň dowamynda taraplar syýasy-diplomatik, söwda-ykdysadyýet we medeni-ynsanperwer ugurlarda türkmen-gyrgyz gatnaşyklarynyň ösüşini ara alyp maslahatlaşdylar. Habarda bellenilişi ýaly, gepleşikleriň esasy ugry Garaşsyz Döwletleriň Arkalaşygynyň çäginde hyzmatdaşlygy ösdürmek babatda boldy. Şeýle hem Türkmenistanyň we Gyrgyzystanyň Baştutanlary global we sebit syýasatynyň meseleleri boýunça özara pikir alyşdylar. https://silkroadtm.jp/tm/information/Nve Sun, 15 Oct 2023 07:08:24 +0500 https://silkroadtm.jp/tm/information/Nve Türkmenistanyň Prezidenti Serdar Berdimuhamedow penşenbe güni Merkezi Aziýa döwletleriniň Baştutanlarynyň bäşinji Konsultatiw duşuşygyna gatnaşmak üçin Täjigistana iş sapary bilen bardy. Bu barada Täjigistanyň Milli habar agentligi "Howar" habar berdi. Habarda bellenilişi ýaly, Türkmenistanyň Döwlet Baştutany Araly halas etmegiň Halkara gaznasyny esaslandyryjy döwletleriň Baştutanlarynyň Geňeşiniň mejlisine hem gatnaşar. Duşenbe şäheriniň Halkara howa menzilinde Türkmenistanyň Prezidenti Serdar Berdimuhamedowy Täjigistanyň Premýer-ministri Kohir Rasulzoda we beýleki resmiler garşy aldylar. Şeýle hem bu saparyň çäginde Türkmenistan bilen Täjigistanyň arasynda ýokary derejeli duşuşyklaryň we gepleşikleriň geçirilmegine hem-de ikitaraplaýyn hyzmatdaşlygyň köp sanly meseleleriniň ara alnyp maslahatlaşylmagyna garaşylýar. Mundan başga-da, Täjigistanyň Duşenbe şäherinde 13-nji sentýabrda Merkezi Aziýa ýurtlarynyň ulag ministrleriniň ilkinji duşuşygy geçirildi we onuň netijesi boýunça Bilelikdäki Maglumat kabul edildi. Şeýle-de şol gün Täjigistanyň Daşary işler ministri Sirojiddin Muhriddin bilen Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň arasynda duşuşyk geçirildi. https://silkroadtm.jp/tm/information/LlO Sun, 15 Oct 2023 06:59:53 +0500 https://silkroadtm.jp/tm/information/LlO Täjigistanyň Prezidenti Emomali Rahmon türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa ugradan hatynda şu ýylyň 14-nji sentýabrynda Duşenbe şäherinde geçiriljek Merkezi Aziýa ýurtlarynyň Döwlet Baştutanlarynyň bäşinji ýubileý konsultatiw duşuşygyna gatnaşmaga çagyrdy. Bu hat Türkmenistanyň resmi metbugatynda çarşenbe güni çap edildi. “Öňde boljak duşuşygyň sebit hyzmatdaşlygyny has-da ösdürmäge hem-de biziň umumy öýümiz — Merkezi Aziýada howpsuzlygy we durnuklylygy mundan beýläk-de pugtalandyrmaga ýardam berjekdigine ynanýaryn” diýip, Täjigistanyň Prezidenti türkmen halkynyň Milli Liderine iberen hatynda belledi. Täjigistanyň Prezidenti Emomali Rahmon Türkmenistanyň Halk Maslahatynyň Başlygy Gurbanguly Berdimuhamedowa berk jan saglyk, abadançylyk we üstünlik, Türkmenistanyň doganlyk halkyna bolsa bagtyýarlyk hem-de rowaçlyk arzuw etdi we Duşenbede boljak duşuşyga uly şatlyk bilen garaşýandygyny nygtady. Şeýle hem 2023-nji ýylyň sentýabrynda Täjigistanyň paýtagtynda Araly halas etmegiň halkara gaznasynyň (AHHG) esaslandyryjy döwletleriniň Baştutanlarynyň geňeşiniň mejlisi hem geçiriler.  https://silkroadtm.jp/tm/information/ozb Wed, 09 Aug 2023 05:50:25 +0500 https://silkroadtm.jp/tm/information/ozb Türkmenistanyň, Täjigistanyň we Özbegistanyň Döwlet Baştutanlarynyň Sammiti şu ýylyň awgust aýynyň başynda Aşgabat şäherinde geçiriler. Bu barada Türkmenistanyň DIM-niň resmi metbugat gullugy çarşenbe güni habar berdi. Türkmenistanyň Daşary işler ministri Raşid Meredow, Täjigistanyň Daşary işler ministri Sirojiddin Muhriddin we Özbegistanyň Daşary işler ministri Bahtiýor Saidow çarşenbe güni wideoaragatnaşyk arkaly geçirilen geňeşmelerde Aşgabatda geçiriljek sammite taýýarlyk görmek bilen bagly meseleleri ara alyp maslahatlaşdylar. Şeýle hem üç ýurduň Daşary işler ministrleri geçiriljek duşuşygyň meýilnamasynyň taslamasyny, gün tertibini hem-de Sammitiň jemleýji resminamasynyň taslamasyny maslahatlaşdylar. Mundan başga-da, ministrler sebit hyzmatdaşlygyň ileri tutulýan ugurlary boýunça pikir alyşdylar. Türkmenistanyň Daşary işler ministri Raşid Meredow şu ýylyň 15-nji iýulynda Täjigistanyň Daşary işler ministri Sirojiddin Muhriddiniň ýolbaşçylygynda Türkmenistana resmi sapar bilen gelen wekiliýet bilen gepleşikler geçirdi. https://silkroadtm.jp/tm/information/7e9 Thu, 13 Jul 2023 22:41:54 +0500 https://silkroadtm.jp/tm/information/7e9 Türkmenistanyň Prezidenti Serdar Berdimuhamedow bilen Aşgabada iki günlük resmi sapar bilen gelen Wengriýanyň Premýer-ministri Wiktor Orbanyň arasynda anna güni gepleşikler geçirildi. Türkmen-wenger gepleşikleriniň netijeleri boýunça ikitaraplaýyn resminamalara gol çekildi. Bu barada Türkmenistanyň resmi metbugaty habar berdi.  Ol resminamalar şulardan ybaratdyr: Türkmenistanyň Daşary işler ministrliginiň Halkara gatnaşyklary instituty bilen Wengriýanyň Daşary işler we söwda ministrliginiň Diplomatik akademiýasynyň arasynda diplomatik taýýarlyk ulgamynda hyzmatdaşlyk babatda Özara düşünişmek hakynda Ähtnama; Myrat Garryýew adyndaky Türkmenistanyň Döwlet lukmançylyk uniwersiteti bilen Semmelweýs uniwersitetiniň arasynda akademiki we ylmy hyzmatdaşlyk etmek hakynda Ylalaşyk;  “Türkmenstandartlary” baş döwlet gullugynyň Döwlet etalon merkezi bilen Budapeşt paýtagt şäher hökümetiniň diwanynyň Metrologiýa we tehniki gözegçilik müdiriýetiniň arasynda metrologiýa babatda ylmy-tehniki hyzmatdaşlyk etmek barada Özara düşünişmek hakynda Ähtnama;  Türkmenistanyň Suw hojalygy baradaky döwlet komiteti bilen Wengriýanyň Içeri işler ministrliginiň arasynda suw serişdelerini dolandyrmak babatda hyzmatdaşlyk etmek barada Özara düşünişmek hakynda Ähtnama; Türkmenistanyň Bilim ministrligi bilen Wengriýanyň Daşary işler we söwda ministrliginiň arasynda “Stipendium Hungaricum” maksatnamasynyň çäklerinde 2024-2026-njy ýyllarda hyzmatdaşlyk etmek boýunça Özara düşünişmek hakynda Ähtnama;  Türkmenistanyň Medeniýet ministrligi bilen Wengriýanyň Syýahatçylyk agentliginiň arasynda syýahatçylyk babatda Özara düşünişmek hakynda Ähtnama;  Türkmenistanyň Medeniýet ministrligi bilen Wengriýanyň Medeniýet we innowasiýa ministrliginiň arasynda medeniýet babatda hyzmatdaşlyk etmegiň Maksatnamasy; Türkmenistanyň Hökümeti bilen Wengriýanyň Hökümetiniň arasynda maýa goýumlaryny höweslendirmek we özara goramak hakynda Ylalaşyk.  Resminamalara gol çekmek dabarasy tamamlanandan soň, Türkmenistanyň Prezidenti Serdar Berdimuhamedow we Premýer-ministr Wiktor Orban köpçülikleýin habar beriş serişdeleriniň wekillerine ýüzlenme bilen çykyş etdiler.  Şeýle hem Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Aşgabada iki günlük resmi sapar bilen gelen Wengriýanyň Premýer-ministri Wiktor Orban bilen penşenbe güni duşuşdy. https://silkroadtm.jp/tm/information/M04 Sun, 11 Jun 2023 03:36:24 +0500 https://silkroadtm.jp/tm/information/M04 Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow sişenbe güni iş sapary bilen Eýran Yslam Respublikasyna bardy. Bu barada Türkmenistanyň resmi metbugaty habar berdi. Tähran şäheriniň Halkara howa menzilinde Türkmenistanyň Halk Maslahatynyň Başlygy Gurbanguly Berdimuhamedowy Eýranyň resmi adamlary hem-de Türkmenistanyň resmi wekiliýetiniň agzalary mähirli garşyladylar. Howa menzilinde türkmen halkynyň Milli Lideri Eýranyň Ýol we şäher gurluşyk ministri Mehrdad Bazrpaş bilen söhbetdeş boldy. Söhbetdeşligiň dowamynda Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň hemişelik Bitaraplyk derejesine esaslanýan daşary syýasat ugruny yzygiderli durmuşa geçirmek bilen, goňşy ýurtlar, şol sanda Eýran bilen netijeli hyzmatdaşlyk gatnaşyklaryň ösdürilmegine möhüm üns berilýändigini belledi. Söhbetdeşler duşuşygyň dowamynda häzirki wagtda dürli ugurlar boýunça üstünlikli ösdürilýän gatnaşyklaryň deňhukuklylyk, birek-birege hormat goýmak we özara bähbitlilik ýörelgelerine esaslanýandygyny bellediler. Şeýle-de taraplar netijeli gatnaşyklaryň möhüm ugurlaryny mundan beýläk-de işjeňleşdirmek üçin zerur tagallalaryň ediljekdigini we köpasyrlyk dostluk we hoşniýetli goňşuçylyk gatnaşyklaryna esaslanýan türkmen-eýran hyzmatdaşlygyny mundan beýläk-de üstünlikli ösdüriljekdigine ynam bildirdiler. https://silkroadtm.jp/tm/information/WJ1 Sun, 07 May 2023 03:45:25 +0500 https://silkroadtm.jp/tm/information/WJ1 Ysraýylyň Daşary işler ministri Eli Koen we Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredow penşenbe güni Aşgabatda Ysraýylyň ilçihanasyny açdylar. Bu barada Ysraýylyň Daşary işler ministri özüniň “Twitter” sahypasynda habar berdi. Ilçihananyň açylyş dabarasyna Türkmenistanda işleýän daşary ýurtlaryň diplomatik wekilhanalarynyň ýolbaşçlary we köpçülikleýin habar beriş serişdeleriniň wekilleri gatnaşdylar. Şeýle hem şol gün Eli Koen we Türkmenistanyň Daşary işler ministri Raşid Meredow duşuşyk geçirdiler. Duşuşygyň dowamynda taraplar howpsuzlyk, energetika, tehnologiýa we oba hojalygy ýaly ugurlar boýunça özara hyzmatdaşlygyň geljegini ara alyp maslahatlaşdylar. Türkmenistanyň Prezidenti Serdar Berdimuhamedow penşenbe güni Ysraýylyň Daşary işler ministri Eli Koeni kabul etdi.   https://silkroadtm.jp/tm/information/zXG Sun, 02 Apr 2023 05:28:02 +0500 https://silkroadtm.jp/tm/information/zXG Türkmenistanyň Prezidenti Serdar Berdimuhamedow ýekşenbe güni döwlet sapary bilen Katara bardy. Bu barada Türkmenistanyň resmi metbugaty habar berdi. Aşgabadyň Halkara howa menzilinde Döwlet Baştutanymyz Kataryň Türkmenistandaky ilçihanasynyň wekili bilen bolan söhbetdeşlikde taraplaryň hoşniýetli erkine we köpýyllyk gatnaşyklary ösüşiň täze derejesine çykarmaga bolan ikitaraplaýyn gyzyklanmalaryna esaslanýan türkmen-katar gatnaşyklarynyň netijeli we işjeň häsiýete eýedigini belledi. Diplomat Türkmenistanyň Prezidentiniň saparynyň şowly bolmagyny arzuw edip, Doha şäherinde geçiriljek gepleşikleriň döwletara gatnaşyklaryň taryhynda möhüm waka öwrüljekdigine ynam bildirdi we Katarda hyzmatdaşlygyň ösdürilmegine uly ähmiýet berilýändigini nygtady. “Hamad” Halkara howa menzilinde Türkmenistanyň Prezidenti Serdar Berdimuhamedowy Kataryň resmi adamlary garşyladylar. Habarda bellenilişi ýaly, Döwlet Baştutanymyzyň döwlet saparynyň çäklerinde Doha şäherinde ýokary derejedäki türkmen-katar gepleşikleri geçiriler. Olaryň dowamynda häzirki ýagdaýlar we bar bolan mümkinçilikler nazara alnyp, hyzmatdaşlygyň möhüm ugurlary kesgitlener. Şeýle hem Türkmenistanyň Prezidenti Serdar Berdimuhamedowyň döwlet saparynyň dowamynda Doha şäherinde Türkmenistanyň Katardaky ilçihanasynyň açylmagy meýilleşdirilýär. Döwlet Baştutanymyz 2022-nji ýylyň 9-njy dekabrynda bu ugurda degişli Permana gol çekdi. Türkmenistan bilen Kataryň arasyndaky diplomatik gatnaşyklar 1996-njy ýylyň noýabrynda ýola goýuldy. https://silkroadtm.jp/tm/information/g0v Sun, 26 Feb 2023 05:02:47 +0500 https://silkroadtm.jp/tm/information/g0v トルクメニスタンのセルダル・ベルディムハメドフ大統領は火曜日にバーレーン王国を公式訪問する予定である、とバーレーン通信社は月曜日に報じた。 トルクメニスタンの首長とハマド・ビン・イサ・アル・ハリファ国王は、二国間関係の展望と最近の地域的および国際的発展について話し合う予定です。 双方は、首脳会談の後、いくつかの二国間文書に署名することが期待されています。 セルダル・ベルディムハメドフ氏がトルクメニスタン大統領に就任して以来、バーレーンを訪問するのはこれが初めてとなる。 https://silkroadtm.jp/tm/information/g0v Sun, 26 Feb 2023 05:01:36 +0500 https://silkroadtm.jp/tm/information/g0v Bahreýn habar gullugynyň duşenbe güni beren habaryna görä, Türkmenistanyň prezidenti Serdar Berdimuhamedow sişenbe güni Bahreýn Patyşalygyna resmi sapar gurar. Türkmenistanyň başlygy we korol Hamad bin Isa Al Halifa ikitaraplaýyn gatnaşyklaryň geljegi, şeýle hem sebitleýin we halkara wakalar barada pikir alyşarlar. Sammit gepleşiklerinden soň taraplaryň birnäçe ikitaraplaýyn resminama gol çekmegine garaşylýar. Bu Serdar Berdimuhamedowyň Türkmenistanyň prezidenti wezipesine girişeli bäri Bahreýnine ilkinji sapary bolar. https://silkroadtm.jp/tm/information/1po Sun, 29 Jan 2023 06:17:00 +0500 https://silkroadtm.jp/tm/information/1po Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedowa goşun generaly diýen harby ady dakyldy. Harby ady dakmak boýunça Karara Türkmenistanyň Mejlisiniň Başlygy Gülşat Mämmedowa penşenbe güni gol çekdi. Mejlisiň Başlygynyň degişli Karary anna güni Türkmenistanyň resmi metbugaty tarapyndan çap edildi. Her ýyl 27-nji ýanwarda Türkmenistanyň Ýaragly Güýçleriniň döredilmegi mynasybetli Türkmenistanda Watan goragçylarynyň güni bellenilýär. Türkmenistanyň Prezidenti Serdar Berdimuhamedow Türkmenistanyň harby we hukuk goraýjy edaralarynyň harby gullukçylaryna we işgärlerini Watan goragçylarynyň güni bilen gutlady we olara berk jan saglyk, uzak ömür, egsilmez bagt, abadan, bagtyýar durmuş, mukaddes we jogapkärli gulluklarynda hem-de işlerinde uly üstünlikleri arzuw etdi. Türkmenistanyň Ýaragly Güýçleri 1992-nji ýylyň 27-nji ýanwarynda döredildi. https://silkroadtm.jp/tm/information/yAA Tue, 06 Dec 2022 07:10:54 +0500 https://silkroadtm.jp/tm/information/yAA Türkmenistanyň prezidenti Serdar Berdimuhamedow şenbe güni Kataryň emiri Şeýh Tamim bin Hamad Al Tani, Şeýh Tamim bin Hamad Al Tani çakylygy boýunça Katara sapar gurady. Doha halkara howa menziline gelensoň, Türkmenistanyň baştutanyny Kataryň döwlet ministri Şeýh Fahd bin Faýsal Al-Tani we Türkmenistanyň hökümet wekiliýetiniň agzalary garşy aldy. Saparyň çäginde Prezident Serdar Berdimuhamedow Dohada geçiriljek dünýä çempionatynyň oýunlarynyň birinde hormatly myhman boldy. "Halifa" stadionynda Prezident Berdimuhamedow Kataryň emiri Şeýh Tamim bin Hamad Al Tani bilen ikitaraplaýyn duşuşyk geçirdi. Duşuşykda döwletler we döwletara hyzmatdaşlygyň geljegi ara alnyp maslahatlaşyldy. Taraplar ykdysady we medeni hyzmatdaşlygyň geljegine-de garadylar we özara gatnaşyklaryň we iki ýurduň bähbidi üçin durmuşa geçirmäge özara taýýarlygyň ägirt uly potensialyna ünsi çekdiler. Duşuşykdan soň Türkmen prezidenti Gollandiýa bilen ABŞ-nyň toparlarynyň arasyndaky 1/8 dünýä çempionatynyň oýnuna tomaşa etdi. Türkmenistanyň başlygy Serdar Berdimuhamedow Halkara futbol federasiýasynyň (FIFA) prezidenti Jianni Infantino bilen hem duşuşdy. https://silkroadtm.jp/tm/information/Ray Sun, 16 Oct 2022 05:25:45 +0500 https://silkroadtm.jp/tm/information/Ray Gazagystanyň premýer-ministriniň metbugat gullugynyň habaryna görä, Türkmenistanyň prezidenti Serdar Berdimuhamedow anna güni irden döwlet sapary bilen Gazagystanyň paýtagty Astana geldi. Türkmenistanyň baştutany Astana howa menzilinde Gazagystanyň premýer-ministri Alikan Smailow tarapyndan garşylandy. Saparyň dowamynda Gazagystanyň prezidenti Kassym-Jomart Tokaýew we Türkmeniň prezidenti Serdar Berdimuhamedow ikitaraplaýyn meseleleriň giň toparyny, şeýle hem sebitleýin möhüm meseleleri ara alyp maslahatlaşarlar. Mundan başga-da, GDA-nyň döwlet baştutanlary geňeşiniň we Merkezi Aziýa - Russiýa sammitiniň mejlisine Türkmenistanyň başlygy gatnaşar. Oktýabr aýynda Prezident Berdimuhamedow Sankt-Peterburgda geçirilen GDA-nyň resmi däl sammitine gatnaşdy. https://silkroadtm.jp/tm/information/9bV Sun, 16 Oct 2022 05:18:12 +0500 https://silkroadtm.jp/tm/information/9bV Türkmenleriň iki palataly mejlisiniň Halk Maslahaty palatasynyň başlygy Gurbanguly Berdimuhamedow, Ýaponiýa iş saparynyň çäginde çarşenbe güni ýurduň premýer-ministri Fumio Kişida bilen duşuşdy.Duşuşykda premýer-ministr Kişida öňki premýer-ministr Abe hatyrasyna Berdimuhamedowyň Türkmenistanda beren hatyrasy üçin minnetdarlyk bildirdi we merhum Şinzo Abe döwlet jynazasyna gatnaşandygy üçin minnetdarlygyny bildirdi.Gurbanguly Berdimuhamedow hem öz gezeginde öňki premýer-ministr Shinzo Abeniň ölüminiň Türkmenistan halky üçin uly betbagtçylykdygyny aýtdy we tüýs ýürekden gynanç bildirdi.Taraplar, şeýle hem, Ýapon kärhanalarynyň Türkmenistanda ösüş taslamalaryna mundan beýläk-de gatnaşmagy barada pikir alyşdylar. Şeýle hem, iki ýurduň parlament dostluk toparynyň işini gutladylar we şu ýyl diplomatik gatnaşyklaryň 30 ýyllygy mynasybetli ikitaraplaýyn gatnaşyklary has-da berkitmek barada ylalaşdylar. Halk Maslakhatiniň başlygynyň Ýaponiýa eden iş sapary ýekşenbe güni başlandy.27-nji sentýabrda Ýaponiýanyň öňki premýer-ministri Şinzo Abe döwlet jynazasy geçirildi. https://silkroadtm.jp/tm/information/l2o Mon, 08 Aug 2022 08:57:45 +0500 https://silkroadtm.jp/tm/information/l2o Türkmenistanyň prezidenti Serdar Berdimuhamedow anna güni geçirilen onlaýn kabinet mejlisinde Ahal welaýatynyň Gokdepe etrabynda günde 100 tonna aýna önüm öndürýän zawod gurmak baradaky şertnamanyň baglaşylmagyna rugsat berýän karara gol çekdi. Şertnama Senagat we Gurluşyk ministrligi bilen Türkmen kompaniýasy Rysgally tutyň arasynda gol çekiler. Şertnama laýyklykda kompaniýa goňşy territoriýany abadanlaşdyryp, daşarky aragatnaşyk, elektrik, gaz, suw we lagym ulgamlaryny gurar. Resminamada 2022-nji ýylyň iýul aýynda gurluşyk işleriniň başlanmagy we 2025-nji ýylyň iýul aýynda işe doly taýýarlyk bilen seminaryň işe girizilmegi beýan edilýär. Täze zawod, Türkmenistanda aýna önümleriniň döwlet öndürijisi bolan Türkmen Aýna Ömenleri kärhanasynyň bir bölegi bolar. 2018-nji ýylyň fewral aýynda ulanylmaga berlen Türkmen Aýna Ömenleri gurluşyk maksatly aýna we azyk we lukmançylyk pudaklary üçin dürli görnüşli aýna gaplary öndürýär. https://silkroadtm.jp/tm/information/rER Sun, 17 Jul 2022 01:29:15 +0500 https://silkroadtm.jp/tm/information/rER Penşenbe güni Taşkentde geçirilen duşuşykdan soň Türkmenistanyň prezidenti Serdar Berdimuhamedow we Özbegistanyň prezidenti Şawkat Mirziýew iki ýurduň arasyndaky giňişleýin hyzmatdaşlygy we strategiki hyzmatdaşlygy has-da çuňlaşdyrmak we güýçlendirmek barada Bilelikdäki beýannama gol çekdiler. Özbegistanyň paýtagtyndaky Kuksaroý prezident köşgünde resmi iki günlük sapar bilen Taşkende gelen Türkmenistanyň prezidentini resmi kabul ediş dabarasy geçirildi. Türkmenistanyň we Özbegistanyň baştutanlary soňra ýeke-ýekeden duşuşdylar, resmi türkmen metbugatynyň habaryna görä wekiliýetleriň gatnaşmagynda giňişleýin ýygnak geçirildi. Prezident Şawkat Mirziýew, Özbegistan Türkmenistanyň Prezidenti Serdar Berdimuhamedowyň Özbegistana eden ilkinji saparyna aýratyn ähmiýet berýändigini aýtdy we şu günki duşuşygyň Özbek-Türkmen gatnaşyklarynyň taryhynda täze sahypa açjakdygyna ynam bildirdi. Gepleşiklerde söwda-ykdysady, nebit-gaz, energiýa, himiýa, awtoulag, dokma, derman senagaty, azyk, oba hojalygy, senagat we ulag pudaklaryndaky ýurtlaryň arasyndaky hyzmatdaşlygy ösdürmäge gönükdirildi. Duşuşykda sebitdäki meseleler, şol sanda Owganystandaky ýagdaýlar ara alnyp maslahatlaşyldy. Bilelikdäki beýannama gol çekilenden soň iki ýurduň ministrlikleriniň we bölümleriniň baştutanlary döwlet baştutanlarynyň gatnaşmagynda 19 şertnama baglaşdy. Resminamalaryň arasynda: Ulag we üstaşyr hyzmatdaşlygy ösdürmek baradaky şertnama; Syýahatçylyk pudagyndaky hyzmatdaşlyk barada şertnama; Amudarya derýasynyň suw baýlyklaryny dolandyrmak, goramak we tygşytly peýdalanmak baradaky şertnama; Başlangyç gözleg taslamalary üçin bilelikdäki tender geçirmek barada şertnama; Söwda we ykdysady hyzmatdaşlygyň maksatnamasy we 2022-2025-nji ýyllar üçin senagat hyzmatdaşlygyny ösdürmek; Özbeg-Türkmen serhet söwda zolagyny - Söwda merkezini döretmek we düzgünleşdirmek baradaky hökümetara şertnamasynyň düzgünlerini iş ýüzünde durmuşa geçirmek boýunça hereket meýilnamasy. Gol çekilen beýleki resminamalarda himiýa senagaty, gümrük, demir ýol, tokaý hojalygy, muzeýler, adalat, ýaşlar syýasaty, teleýaýlym we radio ýaýlymlary, ylmy-tehniki we daşary gatnaşyklar bar. https://silkroadtm.jp/tm/information/Ana Sun, 03 Jul 2022 08:18:01 +0500 https://silkroadtm.jp/tm/information/Ana Türkmenistan, 2025 Osaka Bütindünýä sergisinde ýurduň Milli pawilionyny gurmak üçin taslamalary saýlamak boýunça içerki ýöriteleşdirilen kompaniýalaryň arasynda bäsleşik yglan eder. Ýurduň söwda we dokma toplumyna gözegçilik edýän Türkmen hökümetiniň başlygynyň orunbasary Batyr Atdaýew anna güni Türkmenistanyň prezidenti Serdar Berdimuhamedow tarapyndan geçirilen onlaýn kabinet mejlisinde bu maksat bilen meýilnamalar barada habar berdi. 2025-nji ýyldaky Bütindünýä sergisi 2025-nji ýylyň 13-nji aprelinden 13-nji oktýabry aralygynda Ýaponiýanyň Osaka şäherinde "Durmuşymyz üçin geljekki jemgyýeti taslamak" mowzugy bilen geçiriler diýip, Atdaýew Türkmen milli pawilionynyň "Giňeltmek" bölüminde ýerleşmegine garaşylýandygyny aýtdy.  Hasabatdan soň Prezident Serdar Berdimuhamedow milli binagärlik däplerini görkezýän özboluşly çözgütleriň Türkmenistanyň Milli pawilionynyň dizaýnynda ulanylmalydygyny aýtdy. Döwlet baştutany 2025-nji ýyldaky Bütindünýä sergisine gatnaşmagyň ähmiýetine ünsi çekip, şeýle sergileriň Türkmenistanyň gazananlaryny, eksport potensialyny görkezmek, tejribe alyşmak we özara peýdaly hyzmatdaşlygyň meselelerini çözmek üçin uly mümkinçilikler döredýändigini aýtdy. Geçen ýylyň oktýabr aýyndan 2022-nji ýylyň mart aýyna çenli dowam eden Expo 2020 Dubaýda “Türkmenistan - Parahatçylygyň we Ynamyň watany” atly türkmen milli pawiliony. Bu pawilionyň mahabat we satuw üçin ýene bäş ýyl ulanylmagyna garaşylýar.